Mende erdi bati behako bat – Proiektu kulturala

Aurten, ikastolak 50 urte ospatuko ditu, karia horretara ikasleek Mende erdi bati behako bat dantza garaikide ikusgarri bat sortuko dute. Sorkuntza horretan Hazparneko Dantzalai konpainiako Eneka Bordatok eta bertsoetan Xan Alkhatek laguntza ekarriko daukute.


Bestalde, proiektu kulturalaren kari, ikasleek ikusgarri desberdinetan parte hartuko dute : Oihana eta Mouche dantza ikusgarrietan, Besteen kalea antzerkian. Itzal Aktiboaren partaidetzan, euskal artista baten obra bat ikusgai egon da ikastolan. Ikasleek iritzi kritiko baten adierazten ikasten dute, beren sentsibilitatea eta kuriositatea landuz eta obra artistikoak plazerrez deskubrituz.

Sentsibilizazioa

Integrazio Batzordearekin elkarlanean, irekitasun eta tolerentzia baloreen transmititzeko axolarekin, ahalmen urritasunaz eta desberdintasunaz sentsibilizatze solasaldia antolatua da. Solasaldi horren kari, Eztitxu Vivanco, ahalmen urriko igerilaria etorri da bere esperientzia ikasleekin partekatzera. 

Ahoz hizkuntza : xu-ka forma

Irakasleek xu-ka forma ahozkoan erabiltzen dute, ikasleek forma hori ezaguna ukan dezaten. Ikusgarriko testua ere xu-ka emana izanen da.

Orekaz proiektua: Bizijolas

Orekaz proiektua, gorputz heziketa baino urrunago doan proiektua da. Euskara, norberaren garapena, autonomia eta elkarbizitza uztartzen dituen proiektua da. Konkretuki, bizijolas saioak jolasetan oinarritzen dira beti, bakoitzaren sorkuntza bultzatuz, elkartasuna sustatuz eta bakoitzaren emozioak kontutan hartuz, ikasleek taldean jolas berriak eta ludikoak asmatzen dituzte.

Bertsolaritza

3.urtetik goiti, Xan Alkhat erakaslearekin bertsolaritza lantzen da geletan (12 oren/urtean). Hor doinuak, errimak, koplak, neurriak, lantzen dira … hots ikasleak bertsotan aritzen dira!

Ingurumena hurbila ezagutu

Ama ikastolako ikasleei ingurumen hurbila ezagutzeko parada eskainia zaie: Izpuran Bordaxurian Ikasleei ingurumen hurbila ezagutzeko parada eskainia zaie. Ama ikastolakoak, Izpura Bordaxurian mahatsa bilduz, Apatia baserria bisitatuz, eta ibilaldiak toki ezberdinetan eginez. Lehen mailakoak, 3 egunen pasatzera Oiartzunera joanez.

Euskararen egunak

Bakantza guzien ondotik, euskararen erabilpena berriz bultzatzeko eta sustatzeko, euskararen eguna ospatzen dugu ikastolan. Lehen mailako ikasleak taldeka ezartzen dira (adinak nahasirik) eta tailer desberdinetan parte hartzen dute: esku lana, sukaldaritza, kirola, gizarte jokoak eta musa. Ikasle guziak elkartzen dira ere, eta geletan ikasi kantuak elgarrekin kantatzen dituzte.
Euskaraz loratzea, momentu goxo baten pasatzea eta elkarlaguntzea dira ekitaldi honen helburuak.